Sira Seluk

Ministériu Petróleu no Rekursu Minerál (ANPM)

Ministériu Petróleu no Minerál (ANPM) mak Departamentu Governu nian ne’ebé responsável ba dezeñu no implementasaun polísitika enerjétika no jestaun ba rekursu minerál sira, inklui minarai no minériu estratéjiku sira seluk, ne’ebé aprovada husi Konsellu Ministru, no mós ba lisensiamentu no regulamentasaun atividade estrativa, atividade industriál atu benefisia minarai no minerál sira, no mós petrokímika no refinamentu.

Rekezitu Regulamentár sira

Entermusde importasaun no esportasaun ba merkadoria sira, ita-boot sei presiza hetan lisensa ida husi MPRM ba merkadoria sira balun. Tipu merkadoria hirak ne’e identifikadu ho númeru numériku díjitu 8 ne’ebé koñesidu nu’udar númeru Sistema Armonizadu (HS).

Tipu Merkadoria sira

Importasaun inklui: Gazolina; Kombustível ba Aviasaun; Gazoél; Kerozene; óleu ba motór, no Gás Naturál
Esportasaun inklui: Óleu naun-refinadu

Ita-boot bele asesu no foti-grava ka download kópia ida husi Lei ba Direitu no Impostu sira (Dekretu Lei: 08/2008) iha ne’e.

Servisu Rejistu no Verifikasaun Emprezariál (SERVE)

Atu bele halo importasaun ka esportasaun komersialmente, ita-boot tenki hetan uluk lai sertifikadu negósiu nian ida husi Servisu Rejistu no Verifikasaun Emprezariál (SERVE). SERVE nia oráriu funsionamentu mak Segunda to’o Sesta, tuku 08.30 -12.30, no tuku 14.00 to’o 17.00.

SERVE responsável ba área intervensaun sira tuirmai:

1. Rejista empreza no emprezáriu sira ho naran individuál;
2. Fó-sai Númeru Úniku ba empreza, emprezáriu, no komersiante individuál sira;
3. Fó-sai Sertifikadu Rejistu Komersiál;
4. Verifika estatutu legál empreza, emprezáriu no komersiante individuál sira;
5. Fó-sai no renova Autorizasaun ba Realizasaun Atividade sira Emprezariál/Negósiu nian;
6. Atu promove no fasilita prosesu ba lisensiamentu negósiu, no ninia renovasaun;
7. . Atu promove no fasilita pedidu ba vistu adekuadu ba emprezáriu ka investidór estranjeiru, tuir lei haruka ne’ebé iha vigór;
8. Atu submete ba autoridade kompetente. Pedidu likidasaun ba empreza sira, haktuir ba Dekretu Lei ida-ne’e;
9. Atu kansela Autorizasaun ba Realizasaun Atividade sira Emprezariál/Negósiu nian, rejistu ba empreza ka komersiante individuál sira, haktuir ba Dekretu Lei ida-ne’e;
10. Atu kria no mantein baze de dadus atualizada ba rejistu no lisensa komersiál; no; and
11. To . Atu hala’o atividade sira seluk ne’ebé mak la kontraria ho ninia natureza no objetivu sira.

Servisus sira ne’ebé Prestadu:

1. Fó-sai Sertifikadu Admisibilidade ba Firma;
2. Fó-sai Empreza nia Númeru Úniku (TIN);
3. Fó-sai Sertifikadu Rejistu Negósiu;
4. Sertifikasaun ba Estatuta no Estatutu legál empreza nian;
5. Publikasaun ba sumáriu rejistu nian;
6. Halo kanselamentu ba Rejistu Negósiu nian bazeia ba pedidu husi Komersiante Individuá ka husi empreza, depoizde konkluzaun prosesu ba empreza nia likidasaun ka tuir desizaun husi tribunál kompetente;
7. Fó-sai, renova no kansela Autorizasaun ba Realizasaun Atividade sira Emprezariál/Negósiu nian, haktuir ba Artigu 35 to’o 59, husi Dekretu Lei ida-ne’e;
8. Promove no fasilita prosesu ba Lisensa Komersiál no ninia renovasaun;
9. Fó-sai Sertidaun Negativa Dívida nian ba efeitusira lisensa komersiál nian;
10. Fó-sai sertifikadu ba verifikasan estatutu legál empreza, emprezáriu no komersiante individuál sira, tuir lei haruka;
11. Atualiza detalle husi empreza, emprezáriu, no komersiante individuál sira;
12. Promove no fasilita prosesu vistu nian ba emprezáriu no investidór estranjeiru sira; no
13. Servisu sira seluk ne’ebé la kontraria ho ninia kompeténsia sira no mós tuir ne’ebé define ona husi Komisaun Tékniku Interministeriál.

Ita bele asesu no download kópia Servisu kona-ba Rejistu no Verifikasaun Emprezarial (Dekretu Lei 35/2012) iha ne’e.

Polísia Nasionál Timor-Leste (PNTL)

Polísia Nasionál Timor-Leste (PNTL) mak forsa polísia nasionál Timor-Leste nian. PNTL estabelesidu husi Nasoens Unidas iha fulan Maiu 2002, molok entrega soberania ba nasaun foun ne’e, ho mandatu ida atu fó seguransa no mantein lei no orden iha territóriu nasionál nia laran, no mós atu fasilita dezenvolvimentu rápida ba servisu polisiál ida ne’ebé kredível, profisionál, no imparsiál. Pelumenus iha unidade espesiál tolu iha PNTL nia laran: Unidade Rezerva Polísia (anteriormente Servisu Mobilizasaun Rápida); Unidade Patrullamentu Fronteira (Unidade de Patrulhamento de Fronteiras, UPF); no Unidade Intervensaun Rápida (UIR).

Ami serbisu besik ho PNTL, ne’ebé inklui fahe informasaun tuir ami-nia objetivu komúin atu kombate krime no proteje ita-nia fronteira sira, aleinde ne’e:

• Polísia Fronteira fó seguransa iha eskritóriu sira Alfándega nian no halo patrullamentu tuir fronteira terrestre atu indetifika kualkér ema no sasán sira ne’ebé hakur fronteira ilegalmente;
• Unidade Marítima PNTL identifika no bandu ró tama mai liña kosteira Timor-Leste nian no tulun ita hodi deteta kualkér kontrabandu ba sasán ka ema; no
• TUnidade Marítima PNTL mós fornese seguransa iha Timor-Leste nia instalasaun portuáriu sira.

Entermusde importasaun no esportasaun ba merkadoria sira, ita-boot sei presiza hetan lisensa ida husi PNTL ba merkadoria sira balun, hanesan kilat, kilat-musan, no esplozivu sira. Tipu merkadoria hirak ne’e identifikadu ho númeru numériku díjitu 8 ne’ebé koñesidu nu’udar númeru Sistema Armonizadu (HS).

Dalaruma rekejitu regulatoriu sira ne’e muda ho avizu badak deit, entaun ita tenki nafatin konfirma rekejitu lisensa potensial direitamente ho PNTL molok importasaun no esportasaun.

Polísia Sientífika Investigasaun Kriminál (PSIK)

Polísia Sientífika Investigasaun Kriminál (PSIK) estabelesidu iha tinan 2014, no iha espesialista investigasaun nain 47 no espesialista forenze nain 31, sira hotu-hotu formadu iha ámbitu “Programa Justisa” husi Programa Nasoens Unidas ba Dezenvolvimentu (PNUD) no mós iha Eskola Supriór Polísia Judisiária nian iha Portugál. PSIK nia objetivu mak atu foka ba investigasaun kriminál, polísia sientífika, no análize laboratoriál. PSIK nia misaun mak atu apoia sistema administrasaun iha sistema justisa nia laran, no apoia investigasaun liderada husi PNTL entermusde dezafiu sira kriminalidade nian. PSIK, halo parseria ho Uniaun Europeia no Camoes Portugés dezde tinan 2012 hamutuk ho Ministériu Justisa, no entidade lokál sira seluk atu garante investigasaun efetiva ba kazu kriminál sira ne’ebé altamente espesializada.

Administrasaun Aeroportu no Navegasaun Aérea Timor-Leste (ANATL)

Administrasaun Aeroportu no Navegasaun Aérea Timor-Leste (ANATL), ne’ebé estabelesidu iha tinan 2005, mak administrasaun Governamentál ne’ebé responsável ba aeroportu nasionál sira iha Timor-Leste. Edifísiu administrasaun nian lokalizadu iha Aeroportu Internasionál Presidente Nicolau (DIL) nia laran, ne’ebé fornese eskritóriu ba seksaun jestaun no administrasaun nian.Sira iha responsabilidade ba funsionamentu jerál Aeroportu, kontrolu no seguransa ba tráfegu aérea. Aeroportu ne’e operasionál husi tuku 06.00 dadeer to’o tuku 18.30 loraik, loron 365 kada tinan. Xegada no partida husi vou sira-ne’e atualmente limitadu ba oras rai-loron de’it tanba infraestrutura atuál nian la permite uzu ba pista iha tempu-kalan. Edifísiu prinsipál ba terminál nian ne’e fahe ba seksaun rua ba partida no xegada nian. Iha área públiku nian ida ne’ebé koberta iha edifísiu terminál nia oin ne’ebé mós iha eskritóriu kompañia aérea no estabelesimentu retallista sira no mós fatin estasionamentu ba kareta no motorizada sira iha kedas edifísiu Terminál nia oin