skip to Main Content

Tulun Ami Iha
Luta Kontra Krime

Liña Apoiu

Liga ba 12200

Ligasaun hotu gratuita no ita bo’ot nia identidade Anônimu

Além de tulun hodi proteze ita nia komunidade sira husi sasan ilegal no proividu, ami kolleta reseitas hodi governu nia naran ne’ebe ajuda selu servisu krítiku sira, hanesan saúde, edukasaun, no infrastrutura. Maski importador no esportador barak koko atu kumpri regra no regulamentu sira, no selu sira nia parte ho justu husi saida mak sira hetan, numeru kriminozu sira nafatin halo operasaun iha Timor-Leste ka iha rai-liur ne’ebe koko no na’ok millaun dollares husi ita kada tinan. Ami presija ita nia tulun atu luta kontra kriminozu sira ne’e!

“Hafoin ita nia luta ba independensia, ita mosu ona nu’udar nasaun joven ida ne’ebe nakonu ho esperansa, ideias, kultura, no ita iha futuru nabilan liu iha ita nia oin. Maibe ho ita nia servisu maka’as no sakrifisiu sira hotu, atu harí moris diak ba ita nia-an no ba ita nia familia, kriminozu sira kontinua na’ok millaun dollares husi ita kada tinan. Ne’e osan ida ne’ebe mak bele uza hodi finansia edukasaun ba oin, kuidadu saúde diak liu, Estrada ne’ebe seguru no infrastrutura foun. Agora ita nia tempu. Tempu ba ita atu servisu hamutuk. Tempu ba ita atu luta hikas”

— Dr. Ramos-Horta

Oinsa hau bele hato’o informasaun?

Ita bele hato’o informasaun mai ami liu husi liga ba “12200”. Ligasaun hotu gratuita no ita bele hili atu nafatin ho identidade anônimu. Ita bele husik hela mensajen iha Tetun, Inglés ka Portugés. Alternativamente, ita bele haruka informasaun mai ami liu husi kompleta formulariu relatoriu online.

Tipu Informasaun saida deit mak hau tenki inklui?

Importante mak ita inklui informasaun barak se posivel, maski ita hanoin informasaun refere karik la relevante. Iha kazu balun, atividade ida ne’e karik akontese tiha ona, maibe ita nafatin tenki hato’o ba. Lalika dúvida se karik ita laiha resposta ba sira ne’e hotu, favor fornese deit informasaun saida deit mak ita iha. Karik posivel, favor ida koko atu inklui:

Sé mak involve?

Favor fornese sira nia naran ka detallu husi empreza ka negosiu ruma ne’ebe involve. Ita fornese detallu barak, ami iha oportunidade barak atu identifika sira ne’ebe involve.

Saida mak akontese?

Ezemplu: hatama sasan ilegal; sasan nia valor menus; dokumentu falsu; korupsaun; etc.

Bainhira mak ida ne’e sei akontese?

Favor fornese data no tempu kuandu posivel.

Akontese iha ne’ebe?

Favor fornese enderesu ka deskrisaun kona-ba fatin.

Tanba sa ita hanoin ida ne’e halo ita deskonfia?

Favor fornese idea ruma karik ita iha kona-ba tanba sa mak atividade ida ne’e bele ilegal.

Hau la serteza karik ida ne’e ilegal?

Dalaruma ita haré ka rona buat ruma ne’ebe ita hatene lalós, maibe ita labele garante katak buat ruma ilegal akontese hela. Iha kazu hirak ne’e, favor ida hato’o mai ami liu husi bolu ba 12200 ka uza formulariu relatoriu online

Hau la serteza karik ida ne’e relasiona ho Alfândega ka lae?

Iha kazu balun, karik ita la garante ajensia lolos mak se. Iha kazu sira hanesan ne’e, favor ida nafatin hato’o mai ami liu husi bolu ba 12200 ka uza formulariu relatoriu online. Hanesan ajensia governu ami bele proteze informasaun ita fahe ho ami nia parseiru sira, inklui Polícia Nacional de Timor-Leste (PNTL), Polísia Sientífika ba Investigasaun Kriminál (PSIK) no Comissão Anti-Corrupção (CAC).

Se Karik Ita La Serteza — Liga Ami!

Komentariu
Fo hatene tan mai ami
Oinsá mak ita bele klasifika ita-nia esperiénsia?
Karik ita iha komentariu adisional ruma?
Tuir mai
Submete ita nia email karik ita hakarak atu ami bele kontaktu ita relasiona ho ita nia komentariu
Fila fali
Submete
Obrigadu bele submete ona ita nia komentariu