Deklarasaun Alfandega
Bainhira ita-boot to’o-mai hanesan viajante ida tama mai Timor-Leste, ita-boot iha obrigasaun tuir lei atu prienxe formuláriu ida ba Deklarasaun Alfândega iha Xegada.
Bainhira to’o-mai, iha sasán ka merkadoria balun ne’ebé ita-boot bele lori tama sein selu impostu ruma:
- Ita-nia bagajen pesoál, no
- Sasán sira ba uzu naun-komersiál nian (ho valór to’o $300 (dolar atus tolu).
Atu konsidera nu’udar bagajen viajen nian, sasán sira-ne’e tenki:
- Ba uzu pesoál no naun-komersiál nian, no
- Apropriada ba viajante nia uzu pesoál ka familiár nian, ka destinada atu oferese hanesan prezente, p.e. natureza no kuantidade husi sasán sira-ne’e labele indika katak sei utiliza ba atividade komersiál nian.
- Produtu no sasán sira ne’ebé livre-taxa
- Viajante adultu sira ho idade tinan 17 ba leten
Kada viajante adultu bele lori sasan sira ne’ebé livre-taxa tama mai Timor-Leste ho valór másimu $300 (dolar atus tolu). Aleinde ne’e, sasán sira ne’ebé livre-taxa ne’e limitadu ba kada viajante ho kuantidade másimu hanesan tuirmai ba produtu ida-idak:
Produtu sira tabaku nian:
- sigaru 200, ka
- sigarilla 100 (ho pezu másimu grama 3 kada unidade), ka
- 7xarutu 75, ka
- grama 30 husi tabaku ko’a
Perfume ka mina-morin:
- grama 75
Eau de toilette (perfume ka mina-morin):
- litru 0.375
Ákol no bebidas alkólika:
- Bebidas destilada no bebida espirituoza ka aguardente ho persentajen alkólika superiór to’o 22% vol. naturál 80% vol. Etanól ka liu litru 1.5
- Viñu litru 5
Kafé ka Xá:
- kafé kilograma 1
- grama 200 ka substánsia xa ho grama 80
Ai-moruk ka medikamentu:
- Kuantidade korrespondente ho nesesidade pesoál viajante nian.
Se iha idade tinan 17 mai kraik, ita-boot:
- Labele lori kualkér produtu sira tabaku nian, ka álkol, ka bebida alkólika mai Timor-Leste
- Bele lori tama produtu seluk ne’ebé livre-taxa to’o limite totál valór $300 (dolar atus tolu), no mós ho limite sira ba produtu ida-idak nian hanesan define iha leten.
Se sasán sira ne’ebé ita-boot lori mai Timor-Leste ne’e mak ho valór liu $300 (dolar atus tolu) no la’ós livre-taxa, ita-boot tenki deklara iha ita-nia xegada.