Armazenamentu Temporáriu no Armazén sira

Entrepostu aduaneiru sira

Saida mak Entrepostu Aduaneiru ida?

Entrepostu aduaneiru mak edifísiu ka área segura seluk ne’ebé mak merkadoria tributável sira bele depozita to’o tinan ida sein pagamentu ba direitu ka impostu sira. Tuir aprovasaun husi Autoridade Aduaneira, durasaun ida-ne’e bele hanaruk to’o tinan rua. Tipu fasilidade hirak ne’e la’ós de’it rezervadu ba kontrolu governu nian; ita-boot bele mós bele halo inskreve atu halo operasaun ba entrepostu aduaneiru, entretantu; ita-boot tenki iha rekezitu rigorozu balun atu obtein lisensa relevante husi Autoridade Aduaneira. Bainhira aprovadu ona, ita-boot sei dezignadu nu’udar “depozitóriu.” Favór konsulta Rekezitu ba Lisensa no Aplikasaun nian iha kraik atu hatene informasaun liutan.

Tipu husi Depózitu/Armazén

Iha tipu rua diferente husi entrepostu aduaneiru:

• Privadu: Ida-ne’e signifika ita-boot bele depozita de’it merkadoria sira ne’ebé ita-boot nian rasik
• Públiku: Ita-boot bele oferese ita-nia fasilidade depózitu nian ba importadór sira seluk, signifika ita-boot bele kobra taxa ba administrasaun no armazenamentu kontíua ba merkadoria hirak ne’ebé mak iha ita-boot nia kontrolu.

Tipu husi Merkadoria sira

Tuir aprovasaun adekuada husi alfándega, ita-boot bele depozita merkadoria ho variedade oioin iha ita-nia entrepostu aduaneiru, inklui álkol, tabaku, no veíkulu motorizada sira. Rekezitu balun aplika inklui, merkadoria sira-ne’e tenki:

• Foun (esklui veíkulu motorizada uzadu sira)
• La aat lailais
• Fasil atu bele identifika
• La’ós nosivu ba ema ka meiu ambiente
• La’ós inflamável (exetu ba produtu sira petróleu nian)
• La’ós envenenozu (anaunsér armazenadu iha área espesiál ida izolada no taka-metin)

Prezerva Kualidade husi Produtu sira

Ho avaria eletrisidade ne’ebé komún tebes iha Timor-Leste, garante katak ita-nia merkadoria sira-ne’e sei la sai aat bainhira hein hela ba dezalfandegamentu iha portu ida, sempre sai dezafiu. Nu’udar depozitóriu ida, ita-boot tenki iha kapasidade atu garante fornesimentu ba enerjia elétrika ida konfiável no ekipamentu ne’ebé apropriadu atu prezerva produtu sira-nia kualidade, inklui:

• kontentór maran;
• sistema konjelamentu profundu; no
• fasilidade armazenamentu iha granél.

Benefísiu sira ba Operasaun Depózitu ida

Kumprimentu ba rekezitu rigoroza sira ne’ebé nesesáriu atu operasionaliza entrepostu aduaneira ida provavelmente sei ezije investimentu finanseira husi ita-boot nia parte, inklui nesesidade atu hatama depózitu seguransa ida ne’ebé aprezenta ba governu. Bainhira aprovadu ona husi alfándega, iha vantajen barak tebes bainhira sai nu’udar depozitóriu ida, inklui:

• Diferimentu ba Direitu: Iha entrepostu aduaneiru ida, pagamentu ba direitu no impostu sira seluk ba merkadoria oioin sei diferidu to’o bainhira na’in ba merkadoria sira prontu atu hasai sasán sira-ne’e;
• Opsaun Prazu-Naruk: Merkadoria sira-ne’e bele depozita ba fulan 12 sein pagamentu ba direitu sira. Ida-ne’e bele hanaruk fali tan ba períodu rua ho durasaun kada fulan 6 depoizde aprovasaun husi alfándega.
• Opsaun ba Reesportasaun: Se ita-boot halo esportasaun merkadoria sira-ne’e, sei la selu direitu no impostu ruma;
• Kobransa ba Taxa no Enkargu sira: Se ita-boot nu’udar depozitóriu públiku ida, ita-boot bele kobra taxa husi kliente sira ka enkargu sira seluk ba administrasaun no depózitu ba merkadoria sira ne’ebé iha ita-nia kontrolu.

Ita-boot bele foti-grava ka download kópia ida husi ami-nia livretu kona-ba Entrepostu Aduaneiru no Fasilidade sira Armazenamentu Temporáriu nian, iha ne’e.

Fatin sira ba Armazenamentu Temporáriu nian

Saida mak Armazenamentu Temporáriu?

Wainhira merkadoria komersiál sira tama mai Timor-Leste, sira sei tama mai liu husi fronteira áerea ka husi tasi, ka através terrestre nian ida. Bainhira merkadoria sira-ne’e to’o mai, inisialmente sei konsidera katak sira iha hela “armazenamentu temporáriu.” Depoizde xegada, iha rekezitu legál ida ba merkadoria sira-ne’e atu kolokadu iha “tratamentu aduaneiru” ida durante prazu espesífiku ida nia laran. Ida-nee simplesmente signifika katak merkadoria sira-ne’e tenki deklaradu merkadoria sira-ne’e tenki deklaradu nu’udar importadu, re-esportadu ka kolokadu iha fasilidade entrepostu aduaneiru nian ida aprovadu. Importante liuliu, tenki kompleta ida-ne’e iha prazu estritu ida nia laran, tanba naun-kumprimentu ba obrigasaun sira-ne’e sei rezulta iha sei rezulta iha impozisaun ba multa finanseira ida husi alfándega:

• Xegada liuhusi tasi: loron útil ka loron-serbisu 30; no
• Xegada liuhusi aérea ka terrestre: loron útil ka loron-serbisu 20.

Fasilidade Armazenamentu nian sira

Tipu fasilidade hirak ne’e la’ós de’it rezervadu ba kontrolu governu nian; ita-boot mós bele inskreve atu hala’o fasilidade armazenamentu temporáriu ida, entretantu; ita-boot tenki iha rekezitu rigorozu balun atu obtein lisensa relevante husi Autoridade Aduaneira. Bainhira aprovadu ona, ita-boot sei dezignadu nu’udar “depozitóriu”. Favór konsulta Rekezitu ba Lisensa no Aplikasaun nian iha kraik atu hatene informasaun liutan.

Tipu husi Merkadoria sira

Bainhira aprovadu ona husi alfándega, ita-boot sei bele armazena kualkér tipu merkadoria iha ita-nia fasilidade armazenamentu nia laran, inklui kontentór ho karga nakonu no kontentór ho karga parsiál.

Prezerva Kualidade husi Produtu sira

Ho avaria eletrisidade ne’ebé komún tebes iha Timor-Leste, garante katak ita-nia merkadoria sira-ne’e sei la sai aat bainhira hein hela ba dezalfandegamentu iha portu ida, sempre sai dezafiu. Nu’udar depozitóriu ida, ita-boot tenki iha kapasidade atu garante fornesimentu ba enerjia elétrika ida konfiável no ekipamentu ne’ebé apropriadu atu prezerva produtu sira-nia kualidade, inklui:

• kontentór maran;
• sistema konjelamentu profundu; no
• fasilidade armazenamentu iha granél.

Benefísiu sira

Kumprimentu ba rekezitu rigoroza sira ne’ebé nesesáriu atu operasionaliza entrepostu aduaneira ida provavelmente sei ezije investimentu finanseira husi ita-boot nia parte, inklui nesesidade atu hatama depózitu seguransa ida ne’ebé aprezenta ba governu. Bainhira aprovadu ona husi alfándega, iha vantajen barak tebes bainhira sai nu’udar depozitóriu ida, inklui:

• Merkadoria sira-ne’e bele transporta ba ita-nia fasilidade lailais kedas bainhira sira to’o mai iha rai-laran. Ida-ne’e signifika ita-boot sei la presiza atu selu tan taxa ba armazenamentu portuáriu no bele asegura katak merkadoria sira-ne’e rai iha ambiente ida ne’ebé seguru no apropriadu;
• Ita-boot bele kobra taxa apropriada ba ita-nia kliente sira ba administrasaun no armazenamentu merkadoria sira iha ita-nia kontrolu; no
• Ita-boot bele mós oferese no halo kobransa ba serivu sira seluk, porezemplu, Despaxu aduaneiru, ka fornesimentu traballadór sira atu ajuda iha fiskalizasaun aduaneira, nst.

Rekezitu ba Lisensa no Aplikasaun

Rekezitu lisensiamentu nian hirak ne’e aplika tantu ba entrepostu aduaneirus no fatin sira ba armazenamentu temporáriu nian.

Fasilidae ne’e tenki:

• Ita-nia propriedade rasik, ka se aluga, tenki pelumenus sei hela tan tinan tolu ka liu iha akordu ka kontratu arrendamentu nian;
• Seguru, no inklui lutu ka didin haleu perímetru; sempre iha guarda seguransa kolokadu iha lokál, no kobertura adekuada husi CCTV; no
• Sempre asesível husi alfándega, inklui asesu eskritóriu adekuada ba Alfándega no konektividade internét ba iha alfándega nia sistema prosesamentu eletróniku; ASYCUDA World.

Nu’udar operadór ida, ita tenki iha kapasidade atu demonstra katak ita-boot:

• Ema ida ho karákter di’ak, inklui onestu, respeitu, no kumprimentu ba lei sira ne’ebé vigór iha Timor-Leste, partikularmente ho Lei sira Aduaneira no Fiskál nian. Alfándega sei halo verifikasaun adekuada ba ita-nia istóriku atu konfirma ida-ne’e;
• Nu’udar empreza ida rejistada no autorizadu tuir lei atu halo operasaun iha Timor-Leste;
• Bele depozita garantia bankária ida ne’ebé kobre valór ida ekivalente ba pelumenus 50% husi direitu no impostu aduaneiru ba merkadoria sira ne’ebé armazenadu;
• Sei fó asesu ba ekipamentu apropriadu ba manuzeiu karga haktuir ba tipu merkadoria sira ne’ebé armazenadu;
• Bele demonstra katak ita-boot bele mantein rejistu no kontabilidade ne’ebé adekuada; no
• Bele operasionaliza fasilidade ne’e haktuir ba rekezitu sira husi lisensa nian.

Prosesu Aplikasaun