skip to Main Content

Kámara Komérsiu no Indústria Timor-Leste (CCI-TL)

Estabelese iha tinan 2010, Kámara Komérsiu no Indústria Timor-Leste (CCI-TL) rekoñesidu nu’udar reprezentante husi empreza sektór privadu nian iha Timor-Leste no nu’udar parseiru estratéjiku ida ho konfiansa husi Governu. Bainhira estabelesidu, CCI-TL nia foku mak atu:

  • Konsolida no kria CCI-TL nia rede iha Munisípiu 13 hotu.
  • Fó formasaun no advokasia.
  • Reprezenta membru sira-nia nesesida através sai reprezentante ida husi komunidade emprezariál iha nível negósiu hotu-hotu, nu’udar rezultadu Rezolusaun n. 17/2017 ne’ebé fó-sai husi Governu Timor-Leste rekoñese CCI-TL hanesan parseiru estratéjiku ida ofisiál.

Asosiasaun Emprezariál Feto sira- Timor-Leste (AEMTL)

Associação Empresarial das Mulheres Timor-Leste (AEMTL) nu’udar Asosiasaun Feto Emprezariál sira ho misaun atu promove no hakbiit feto emprezária no emprezária feto sira-nia prontidaun atu kompete no hetan susesu iha Timor-Leste nia sektór Privadu emerjente.

AEMTL determinada atuintroduza tendénsia foun sira ba iha Sektór Privadu nia dinámiku atuál: propriedade boot liu atu hamenus dependénsia ba projetu públiku sira, empreza sira ne’ebé estruturadu no profisionál liutan, sai nu’udar sektór produtivu reál no no alternativa ida efetiva ba Sektór Públiku iha kriasaun ba empregu no hamosu rendimentu no mós esplora meiu sira inovadora no kriativu atu halo negósiu iha Timor-Leste. Haree ba kna’ar krítiku feto sira nian, AEMTL sei diretamente kontribui ba redusaun kiak no sei kontribui efetivamente ba kreximentu ekonómiku sustentável iha rai-laran.

Ho apoiu husi maluk sira, parseiru sira sektór privadu no públiku nian, AEMTL nia ekipa ezekutiva foun hakarak atu halo sira-nia negósiu sai ekonomikamente independente no hetan sira-nia liberdade finanseira atu buka-hetan sira-nia mehi ba sira-nia família no mós ba nasaun. Bainhira atinje ona, ida-ne’e sei drastikamente halo mudansa ba konjuntura sektór privadu nian iha Timor-Leste. Ami sei halo diferensa ida ho ami-nia unidade, determinasaun, foku no profisionalizmu.

TradeInvest

TradeInvest mak ajénsia ofisiál ba promosaun investimentu no esportasaun iha Timor-Leste no oferese servisu oioin ba empreza sira estranjeira no nasionál nian.

Investidór estranjeiru sira

  • Fornese informasaun kona-ba halo negósiu iha Timor-Leste.
  • Halo ligasaun ho empreza sira ne’ebé presta servisu profisionál, hanesan espesialista jurídiku, kontabilidade, ka servisu konsultoria.
  • Buka rai estadu ka privadu ne’ebé apropriadu ba projetu sira investimentu nian no fasilita komunikasaun ho Diresaun Terra no Propriedade.
  • Asjuda iha rejistu ba empreza no negósiu nian, trata pedidu sira ba benefísiu espesiál invesimentu nian (insentivu ba investimentu).
  • Fornese servisu no asisténsia sira pós-investimentu nian.
  • Halo advokasia ba medida sira atu hadi’a klima investimentu rai-laran nian ho governu.

Sosa-na’in estranjeiru sira

  • Ajuda hodi buka parseiru negósiu lokál ne’ebé konfiável através peskiza personalizada individuál ka parseria sektoriál no eventu sira B2B.
  • Fornese informasaun kona-ba Timor-Leste nia prosedimentu no regulamentu sira ba importasaun/esportasaun nian.
  • Halo ligasaun ho empreza sira ne’ebé fornese servisu komérsiu profisionálhanesan Despaxante Aduaneira, empreza lojístika sira, empreza sira ba peskiza merkadu nian ka servisu negósiu profisionál nian.

Firma sira doméstika nian

  • Avalia ita-boot sira-nia prontidaun ba esportasaun, ajuda ho elaborasaun ba ita-boot sira-nia planu esportasaun.
  • Fornese informasaun kona-ba Timor-Leste nia prosedimentu no regulamentu sira ba importasaun/esportasaun nian.
  • Fornese dadus analítiku kona-ba merkadu rai-li’ur no intelijénsia ka informasaun negósiu nian.

Organiza eventu sira ba matchmaking ka parseria ho investidór estranjeiru sira bazeada iha Timor-Leste.

  • Ajuda buka sosa-na’in potensiál sira husi rai-li’ur através peskiza personalizada individuál, B2B no eventu sira ba parseria ka matchmaking nian.
  • Fó asisténsia ba empreza doméstika sira ne’ebé kualifikadu hodi partisipa iha ezibisaun, feira no misaun sira iha rai-li’ur.
  • Halo advokasia ba medida sira atu hadi’a klima investimentu rai-laran nian ho governu.
Detallu Kontaktu
CCI-TL
Rua 30 de Agosto, No.02, Acait, Dili, Timor-Leste (eis embaixada Portugal)
(+670) 332 1022
AEMTL
Rua 30 de Agosto, No.02, Acait, Dili, Timor-Leste (eis embaixada Portugal)
(+670) 7723 4390
TradeInvest
Rua 25 de Abril, n.o 8, Colmera, Vera Cruz, Díli, Timor-Leste
(+670) 3311105 / 3311553
Komentariu
Fo hatene tan mai ami
Oinsá mak ita bele klasifika ita-nia esperiénsia?
Karik ita iha komentariu adisional ruma?
Tuir mai
Submete ita nia email karik ita hakarak atu ami bele kontaktu ita relasiona ho ita nia komentariu
Fila fali
Submete
Obrigadu bele submete ona ita nia komentariu