Santina José Rodrigues F. Viegas Cardoso
Ministru Finansa
Ministériu Finansa (MF) mak n’udar departamentu Governu nian ne’ebé responsável ba dezeñu, implementasaun, koordenasaun, no avaliasaun ba politika, ne’ebé define no aprova husi Konsellu Ministru, ba área sira planeamentu anuál no monitorizasaun ba orsamentu no finansa públika nian sira.
Polítika fiskál mak instrumentu prinsipál ba jestaun responsável ba ekonomia no mós atu alkansa kreximentu no dezenvolvimentu iha Timor-Leste, no MF dezempeña kna’ar ida krítiku iha formulasaun no realizasaun ba polítika ida-ne’e. Aleinde ne’e, MF halo akompañamentu no monitoriza despeza sir aba finansa públika nian, ne’ebé nesesáriu atu garante ezekusaun efisiente ba Governu TL nia polítika sira. Funsaun prinsipál sira inklui:
- Propoin polítika sira makroekonómiku, monetária no taxa-kambiál nian, hamutuk ho banku sentrál.
- Elabora polítika no proposta lei sira no mós regulamentu sira kona-ba reseita, enkuadramentu orsamentál, aprovizinamentu, kontabilidade públika, finansa públika, auditoria no kontrolu ba Kofre Estadu no mós emisaun no jestaun ba dívida públika nian.
- Administra Timor-Leste nia fundu petrolíferu.
- Serbisu iha kooperasaun ho Ministéru Negósiu Estranjeiru no Kooperasaun, hodi koordena Timor-Leste nia relasaun ho doadór sira.
- Jestaun ba dívida públika esterna, Estadu nia partisipasaun iha empreza sira no asist’ensia esterna. Ida-ne’e inklui halo koordenasaun no define ninia aspetu sira finanseiru no fiskál nian.
- Jestaun ba patrimóniu Estadu.
Autoridade Tributária, Autoridade Aduaneira no Komisaun Nasionál ba Aprovizionamentu ne’e iha tutela Ministériu Finansa nian.
