skip to Main Content

Rekezitu Jerál sira

Atu tama Timor-Leste hanesan turista ida ka ho asuntu negósiu nian, ita-boot tenki obtein vistu ida apropriadu. Iha maioria kazu, ita-boot bele obtein vistu ida iha xegada.

Viajante sira tenki prienxe kartaun xegada nian ida (disponível iha postu fronteira nian). Se bainhira husu, ita-boot mós tenki bele demonstra:

  • Intensaun jenuína husi vizita ida (nu’udar turista ida ka ba viajen negósiu nian).
  • Fundu sufisiente atu sustenta ita-nia an durante períodu estadia proposta nian sein violasaun ba kondisaun sira vistu nian.
  • Katak ita-boot halo ona arranju akomodasaun ne’ebé apropriadu.

Aleinde ne’e, ita-boot tenki:

  • Kaer pasaporte ida, ka dokumentu viajen nian ho prazu validade la menus husi fulan 6 (neen) konta husi data entrada mai Timor-Leste. Pasaporte ne’e tenki tahan mamuk ruma hodi taka vistu.
  • Kaer billete ida ba-mai nian ka pré-markadu nian ka hatudu kapasidade atu finansia ita-nia partida.
  • Selu taxa ba vistu ho osan $30. Observa katak dalaruma laiha ATM ka fasilidades troka-osan nian, ne’e duni ita-boot sempre tenki koko no garante katak ita-boot lori ho osan $30 ne’e.

Iha métodu oioin ba obtensaun vistu nian, depende ba karik ita-boot nia entrada ne’e liuhusi fronteira terrestre, aérea ka tasi.

Contact Details
Gabinete Ministériu Interiór
Ground Floor, Vila Verde,
Dili, Timor-Leste.
08:00am – 05:30pm
(+670) 331 0369

Xegada liuhusi Fronteira Terrestre

Ho exesaun ba sidadaun Indonéziu no Portugés sira no mós sidadaun sira Estadus Unidus Amérika nian, kualkér ema ne’ebé xegada liuhusi postu fronteira terrestre nian tenki solisita ho antesedénsia “Karta Autorizasaun Vistu” nian. Bainhira ita-boot to’o mai iha fronteira, tenki aprezenta “Karta Autorizasaun Vistu” ne’e ba ofisiál imigrasaun. Se bainhira ita-boot prienxe duni rekezitu relevante sira, entaun sei konsede vistu ida ba ita-boot bainhira selu tiha osan $30.

Xegada liuhusi Aérea ka Tasi

Sidadaun sira Indonézia nian bele solisita vistu iha xegada iha kualkér postu fronteira nian, inklui hakat liu husi fronteira terrestre no aeroportu Internasionál Dili, no mós Portu Marítimu Dili nian. Sidadaun Portugés no Estadus Unidus Amérika nian, ka Timoroan sira ne’ebé halo viajen uza pasaporte Portugés sei benefisia husi izensaun ba vistu ba efeitu sira turizmu nian.

Sidadaun sira husi nasaun sira seluk bele solisita vistu iha xegada iha Aeroportu Internasionál Dili ka Portu Marítima Dili nian.

Naran katak ita-boot prienxe rekezitu relevante sira, sei konsede vistu id aba ita-boot bainhira selu tiha osan $30.

Komentariu
Fo hatene tan mai ami
Oinsá mak ita bele klasifika ita-nia esperiénsia?
Karik ita iha komentariu adisional ruma?
Tuir mai
Submete ita nia email karik ita hakarak atu ami bele kontaktu ita relasiona ho ita nia komentariu
Fila fali
Submete
Obrigadu bele submete ona ita nia komentariu