Elia A. A. dos Reis Amaral
Ministra Saúde
Ministériu Saúde (MS) mak departamentu Governu nian ne’ebé responsável ba dezeñu, implementasaun, koordenasaun, no avaliasaun ba polítika sira, ne’ebé define no aprova husi Konsellu Ministru, ba área sira saúde no atividade sira farmaséutiku nian.
Iha tutela Ministériu Saúde nian mak Ospitál sira ba Servisu Nasionál Saúde, Servisu Autónomu ba Medikamentu no Ekipamentu Saúde, EP (SAMES), Institutu Nasionál Saúde, Laboratóriu Nasionál Saúde, servisu Nasionál ba Ambulánsia, no Urjénsia Médika nian.
Rekezitu Regulamentár sira
MS iha responsabilidade regulatória atu ajuda kontrola importasaun no esportasaun ba medikamentu no produtu kímiku sira balu. Fornesimentu seguru ba produtu hirak ai-moruk hirak ne’e mak nu’udar rekezitu fundamentál ida atu asegura saúde públika ida ne’ebé di’ak. Medikamentu sira ne’ebé falsu no ilegál bele kontein doze tóksiku ne’ebé bele kauza envenenamentu bae ma barak. Medikamentu sira ho kualidade ladi’ak bele mós prejudika tratamentu ba moras sira ne’ebé króniku no infesiozu, kauza progresaun ba moras, rezisténsia ba ai-moruk no halo mate. MS mós iha responsabilidade ida atu garante katak prekursór kímiku balu la importadu ba uzu ilegál nian, hanesan fabrikasaun ba droga narkótika ka estupefasiente no substánsia psikoativa sira.
Departamentu ne’ebe responsavel ba kontrolu tipu sasan hirak ne’e no ne’e mak Diresaun Nasional Farmasia no Medikamentu (DNFM). Departamentu ida ne’e responsavel atu defini, regula, implementa, no avalia politika nasional kona-ba droga, atividade farmasia no laboratoriu saude.
Tipu Merkadoria sira
Ita-boot presiza hetan lisensa ida husi MS ba produtu sira balun. Tipu merkadoria hirak ne’e identifikadu ho númeru numériku díjitu 8 ne’ebé koñesidu nu’udar númeru Sistema Armonizadu (HS) nian.
Ita-boot bele asesu no foti-grava ka download lista ida ba merkadoria sira ne’ebé dalaruma presiza nível kontrolu balu husi DNFM nian iha ne’e. Rekezitu regulamentár sira dalaruma muda iha tempu-badak nia laran, ne’e duni ita-boot sempre tenki konfirma potensiál rekezitu ba lisensa nian diretamente ho DNFM molok atu halo importasaun ka esportasaun.
Importasaun no esportasaun hotu-hotu hodi governu nia naran ne’e sei trata husi Servisu Autónomu ba Medikamentu no Ekipamentu Saúde (SAMES), ne’ebé halo ligasaun ho DNFM.
Ita-boot bele asesu no foti-grava ka download kópia ida husi Atividade Farmaséutika nian (Decree Law 12/2004) iha ne’e.
