skip to Main Content

Sistema Automatizada ba Dadus Alfandegâ (ASYCUDA) sistema integradu ida jestaun alfandega nian ba komérsiu internasionál no operasaun transporte iha ambiente modernu ida automatizada ne’e nia laran. Sistema ne’e toma konta ba manifestu no deklarasaun aduaneira sira, prosedimentu sira kontabilidade nian, tránzitu, no prosedimentu sira ba suspensaun nian. Nia prodús dadus komérsiu ne’ebé bele uza ba análize estatístika ekonómika.

Sistema ne’e konsidera kódigu no padraun sira ne’ebé define husi ISO, Organizasaun Internasionál ba Padronizasaun, WCO p.e. Modelu Dadus (Data Model), no Nasoens Unidas. Nia bele konfiguradu atu adapta tuir rejime Aduaneiru ida-idak, karakterístika nasionál sira, tarifa nasionál sira, no lejizlasaun. ASYCUDA fornese Interkámbiu Eletróniku ba Dadus (EDI) entre komersiante sira no Alfándega uza padraun sira ne’ebé vijente hanesan XML.

Através ninia Programa ASYCUDA, UNCTAD hakarak atu:

  • Moderniza operasaun sira aduaneira nian no ajuda hodi hadi’a kobransa ba reseita;
  • Fasilita efisiénsia no kompetitividade komérsiu liuhusi hamenus substansialmente tempu no kustu sira ba transasaun nian;
  • Melloria ba seguransa liuhusi aperfeisoamentu ba prosedimentu sira kontrole karga, tránzitu ba merkadoria sira, no dezalfandegamentu ba merkadoria sira;
  • Ajuda kombate korrupsaun liuhusi haburas transparénsia ba transasaun sira; no
  • Promove dezenvolvimentu sustentável hodi hamenus uzu ba suratahan liuhusi transasaun no dokumentu eletrónika sira.

Istória badak ida kona-ba utilizasaun ASYCUDA iha Timor-Leste

Oinsá mak hau hetan asesu ba ASYCUDA?

Atu asesu ASYCUDA ita-boot presiza sai utilizadór rejistadu husi sistema ne’e. Rejistu ne’e konsede ba Despaxante aduaneiru no importadór sira atu halo upload, rejista, no mós direitu no impostu sira kona-ba deklarasaun sira aduaneire nian ba importasaun/ esportasaun no eletrónikamente intervein iha parte sira seluk husi prosesu dezalfandegamentu ba merkadoria sira. Asesu ba vizualizasaun nian mós bele konsedidu ba organizasaun sira Governamentál nian ba fins koleta no análize estatístika nian.

Detalle kontaktu

Ekipa ASYCUDA

(+670) 331 0369
Komentariu
Fo hatene tan mai ami
Oinsá mak ita bele klasifika ita-nia esperiénsia?
Karik ita iha komentariu adisional ruma?
Tuir mai
Submete ita nia email karik ita hakarak atu ami bele kontaktu ita relasiona ho ita nia komentariu
Fila fali
Submete
Obrigadu bele submete ona ita nia komentariu