skip to Main Content

Antesedente

Autoridade Portuáriu Timor-Leste (APORTIL) nu’udar Instituisaun Governamentál ida autónomu ne’ebé responsável ba jestaun Portu Marítima iha Dili. Atuál Prezidente Konsellu Administrasaun nian mak Flávio Cardoso Neves.

Potu Dili lokalizadu iha sentru kapitál nian no atualmente nu’udar úniku Portu internasionál iha Timor-Leste. Portu ne’e halo operasaun oras 24 kada loron, loron 363 kada tinan ba funsaun sira hanesan deskarga/karregamentu ba ró iha ponte-kais, remosaun ba kontentór no karga sira granél nian (foos, sementu & ai ba konstrusaun), no lori fila kontentór mamuk sira ba karregamentu iha rí sira ne’ebé atraka hela. Portu ne’e iha portaun tolu ba veíkulu no transporte kontentór sira atu tama-sai. Iha prezensa seguransa oras 24 husi (PNTL- Unidade Polisia Maritima) no DNSPP (Diresaun Nasionál Seguransa Patrimóniu Públiku), ne’ebé responsável ba jestaun asesu ba portaun nian no mós seguransa jerál iha área Portu nian.

Edifísiu Administrasaun ba APORTIL nian ne’e lokalizadu besik ba portaun-boot. Sira-0nia responsabilidade prinsipál mak fornese armazenamentu temporáriu ba merkadoria sira ne’ebé mak to’o mai ho ró, jestaun no manutensaun jerál ba Portu, kobransa ba taxa atrakasaun husi enviu, no taxa sobreestadia ba armazenamentu kontentór sira. Sira la halo operasaun ba kualkér mákina elevasaun no movimentasaun nian tanba ida-ne’e dezignadu ba empreza sira Stevedore.

Eskritóriu Administrativa nian loke husi tuku 08.00 dadeer to’o tuku 17.00 loraik.

Taxa no Enkargu sira

Taxa sira sobreestadia nian ne’ebé kobra ba armazenamentu kontentór sira iha Portu Marítimu Dili nian ne’e prevee iha Artigu 20 husi Regulamentu ba Tarifa sira Portuáriu nian (Dekretu Lei 19/2003) hanesan tuirmai:

Tipu ArmazenamentuPeriodu Armazenamentu
Loron 5 dahulukHahu husi loron da-6 (kada loron)
Kontentor nia naruk to’o 20 feet Sein kustu$25
Kontentor nia naruk liu husi 20 feet Sein kustu$60

Ita-boot bele asesu no foti-grava ka download kópia ida husi lei seluseluk ne’ebé aplika ba APORTIL, hanesan hatudu iha kraik:

  • Estabelesimentu ba Autoridade Portuáriu no aprovasaun ba estatutu (Dekretu Lei 3/2003), ne’ebé prevee kona-ba estabelesimentu Autoridade Portuáriu nian, iha ne’e.
  • Regulamentu kona-ba Tarifa sira Portuáriu nian (Dekretu Lei 19/2003), ne’ebé prevee taxa no enkargu sira portuáriu nian, iha ne’e.
  • Primeira Alterasaun ba Regulamentu Tarifa sira Portuáriu nian (Dekretu Lei 28/2015) prevee kona-ba Taxa no Enkargu sira Portuáriu nian iha ne’e.

Eskritóriu Operasaun Portuária nian lokalizadu iha portaun-boot nia laran no halo funsionamentu husi tuku 8.00 dadeer to’o tuku 17.00 loraik. Funsaun sira inklui kalkula taxa sobreestadia ba kontentór sira no dokumentu saída nian ne’ebé emitidu ba Importadór no Despaxante sira ba sira-nia merkadoria sira ne’ebé kompleta ona prosedimentu dezalfandegamentu atu nune’e bele hasai tiha sasán sira-ne’e husi Portu.

Detalle kontaktu
Avenida De Motael,
Dili, Timor Leste
(+670) 331 7264
Komentariu
Fo hatene tan mai ami
Oinsá mak ita bele klasifika ita-nia esperiénsia?
Karik ita iha komentariu adisional ruma?
Tuir mai
Submete ita nia email karik ita hakarak atu ami bele kontaktu ita relasiona ho ita nia komentariu
Fila fali
Submete
Obrigadu bele submete ona ita nia komentariu