Joanico Pinto
Komisáriu
Komisáriu Autoridade Aduaneira
Joanico Pinto
Nomeadu nu’udar Komisáriu Autoridade Aduaneira iha loron 6 fulan Setembru 2024, liuhusi Resolusaun Governu Nú.48/2024, Komisáriu Joanico Pinto lidera instituisaun nia esforsu atu hasa’e efisiénsia no transparénsia operasaun alfândega nian. Ho koñesimentu iha área jestaun finansa públika, Komisáriu Pinto iha kompromisu atu hadi’a prestasaun servisu, kobransa reseita, no seguransa fronteira hodi apoia Timor-Leste nia kreximentu ekonómiku.
Responsabilidade Prinsipál sira:
- Halo fiskalizasaun ba implementasaun regulamentu alfândega nian hanesan fó sai ona iha Dekretu Lei Nú.2/2020.
- Jere operasaun alfândega nian, garante komformidade ho lei nasionál no polítika sira governu nian.
- Superviziona inspesaun sira no asegura adezaun ba Kódigu Konduta Alfândega nian.
- Koordena ho entidade Nasionál no Internasionál kona-ba asuntu fasilitasaun komérsiu alfândega nian.
Formasaun Edukasional no Profisionál
Komisáriu Pinto iha Diploma Baxarelatu iha Ekonomia no kompleta ona formasaun avansadu sira iha jestaun finansa públiku, aprovizionamentu, no lideransa, inklui programa sira ne’ebé fornese husi IMF, World Bank, KOICA, ADB, OECD, PEMNA, JICA, EU and FISC.
Vizaun
Komisáriu Pinto foka ba modernizasaun operasaun alfândega nian, introdús teknolojía hodi hafasil atendimentu sira, no haburas kultura transparénsia no responsabilidade iha Autoridade Aduaneira nia laran.