Miguel Marques Gonçalves Manetelu
Ministru Transporte no Komunikasaun
Ministériu Transporte no Komunikasaun (MTK) mak departamentu Governu nian ne’ebé responsável ba dezeñu, implementasaun, koordenasaun, no avaliasaun ba polítika sira, ne’ebé define no aprova husi Konsellu Ministru, ba área sira transporte no komunikasaun nian.
Administrasaun Portu Timor-Leste – APORTIL, Administrasaun Aeroportu no Navegasaun Aérea – ANATL EP, Autoridade Aviasaun Sivíl Timor-Leste, AACTL no AANC – Autoridade Nasionál ba Komunikasaun ne’e hotu-hotu iha tutela Ministru Transporte no Komunikasaun nian.
Rekezitu Regulamentár sira
MTK iha responsabilidade regulamtentár ida atu tulun kontrola importasaun no esportasaun ba merkadoria balun. Artigu 2 kona-ba Kondisaun no Prosedimentu sira ne’ebé atu observa Relasiona ho Proibisaun ba Importasaun Veíkulu Motorizada (Dekretu Lei 30/2011) bandu importasaun ba veíkulu sira ho idade produsaun liu ona tinan lima.
Tipu Merkadoria sira
Merkadoria sira-ne’e identifikadu ho númeru numériku ho díjitu 8 ne’ebé koñesidu ho númeru Sistema Armonizadun (HS).
Lei bandu atu halo importasaun ba veíkulu pasajeiru misturadu no ki’ik sira ne’ebé ho idade produsaun liu ona tinan lima konta hahú husi data fabrikasaun nian.
Tipu veíkulu hirak ne’e inklui:
Kareta sira
Pick-ups
Mini-van
(tula ema)
Mini-busses
(tuur-fatin lato’o 20)
Kamioneta komersiál ki’ik
Trucks
(lato’o tonelada 4)
Exesaun sira
Iha exesaun balu ba lei ida ne’e, inklui:
Veíkulu motirizada sira importadu husi rezidente Timor-Leste nian sira depoizde hela iha rai-li’ur iha fulan sanulu resin-rua nia laran ka liu.
Veíkulu ne’e karik sosa ona no rejistadu ho ema ida halo importasaun ne’e nia naran, no sei nafatin iha pose husi ema ne’ebé iha rai-li’ur, pelumenus fulan sanulu resin-rua nia laran molok importadu mai Timor-Leste.
Veíkulu pezadu ba pasajeiru ho kapasidade tuur-fatin 20 ba leten
Veíkulu pezadu ba sasán, inklui van no kamioneta sira ho kapasidade karga liu tonelada haat, veíkulu agríkola nian sira, veíkulu sir aba konstrusaun no manuzeiu materiál nian sira;
Véíkulu motorizada sira importadu iha ámbitu akordu internasionál sira
Véíkulu motorizada sira importadu ba uzu pesoál identifikadu nu’udar iten kolesionadór, notavelmente:
Veíkulu motorizada “Veteranu” sira (iten kolesionadór) ne’ebé fabrikadu molok 1909
Veíkulu motorizada “Era” (iten kolesionadór) ne’ebé fabrikadu molok 1930
Veíkulu motorizada “Era” (iten kolesionadór) ne’ebé fabrikadu molok 1930
Veíkulu motorizada “Era” (iten kolesionadór) ne’ebé fabrikadu molok 1930
ba organizasaun karidade nian sira ne’ebé rejistada.
Fin sira Komersiál nian
Se ita-boot halo importasaun veíkulu ba fin sira ‘komersiál’ nian, hanesan atu fa’an, arrenda, fó aluga ka troka, ita-boot sei presiza aprovasaun eskrita husi Departamentu Komérsiu Esteriór no Departamentu Transporte Terrestre.
