Iha provisaun sira ne’ebe kontein ona iha Kodigu Aduaneiru nia okos (Dekretu Lei 14/2017), ami entitulu legalmente atu halo revista ba sasan saida deit, inklui ema, kareta ka meius transportasaun ne’ebe deit mak tama no sai husi teritoriu Timor-Leste. Ida ne’e poder ne’ebe mak ami foti ho seriu no ami nia objetivu maka atu hapara deit no halo revista ba ema no konsigmentu (sasan) sira ne’ebe mak ami konsidera bele hamosu nivel risku balun. Wainhira halo avaliasaun ida ne’e, ami mos tau konsiderasaun ba numeru fatores sira, inklui: Ita nia historia konfirmidade antes nian no agensia governu relevante sira seluk; tipu sasan sira, no ita to’o mai husi ne’ebe ka atu ba ne’ebe; no informasaun saida deit husi agensia parseiru sira seluk. Iha okaziaun balun, ami bele hapara no halo revista ba ita no ita nia sasan sira atu konfirma sei ita kumpri tuir regra sira ne’ebe existe hela.