skip to Main Content

FAQs

  1. Home
  2. /
  3. Kona-ba ami
  4. /
  5. Ami-nia Organizasaun
c Expand All C Collapse All

Autoridade Aduaneiru maka, naran ofisial husi Servisu Administrasaun Alfandega Timor-Leste. Ida ne’e hanesan organizasaun Governu Timor-Leste ne’ebe mak halo kontrolu ba saida mak tama mai, no saida mak sai husi nasaun, inklui ema, sasan no vehikulu, ro ahi no aviaun sira. Organizasaun ida ne’e mos hanesan fontes importante ba impostu no ajuda atu asegura fronteira nasaun nian.

Administrasaun Alfandega iha mundu tomak kaer knar importante iha fasilitasaun komersiu, kolesaun ba impostu, protesaun ba komunidade no seguransa natural. Ho nune’e, menus integridade iha Alfandega bele iha impaktu ba oportunidade komersiu no investimentu sira, halakon konfiansa publiku ba administrasaun governu no hamosu ameasa ba bem estar sidadaun sira hotu. Integridade hanesan prekondisaun ida ba funsionamentu apropriadu administrasaun Alfandega nian.nn

Artigu 2(1) Dekretu Lei 2/2020, hateten katak Autoridade Aduaneiru serbi ba Nasaun, fo ho administrativu autonomu. Nune’e mos, Artigu 2 (2) husi Dekretu Lei 2/ 2020 hateten katak Autoridade Aduaneiru servisu iha dependensia direta husi membru Governu ne’ebe responsavel ba area finansa. Iha liafuan seluk, ami relata hirarkiamente ba Ministru Finansa, no ami iha deit autonomu baa mi nia funsaun administrative.

Ami responsavel ba:n

  • Ajuda governu hodi halibur impostu ho meius ne’ebe justu no transparente
  • Halo ami nia prosedimentu efisiensia liu tan
  • Lori ami nia atividade sira alinha ho padraun internasional nian
  • Hapara lakon bo’ot iha impostu ne’ebe mak kauza husi la efisiensia
  • Atrai investimentu iha Timor-Leste ho halo prosesu negosiu ne’ebe fasil liu tan ba importasau no exportasaun sasan nian
  • Fasilita komersiu rejional no internasional
  • Asegura fronteira nasaun Timor-Leste nian no hapara sasan ilegal sira tama mai nasaun laran.

Ami ajuda governu atu halo kontrolu ba movimentasaun ema, sasan, vehikulu, ro ahi no aviaun sira ne’ebe mak tama no sai husi nasaun Timor-Leste.

Ami ajuda governu atu rekolha impostu, produs dadus komersiu importante, fasilita komersiu entre Timor-Leste ho nasaun sira seluk, no kombate trafiku no atividade ilegal sira seluk:nn

n

Objetivu husi Planu Stratejiku Autoridade Aduaneiru maka atu tau klaru visaun ida ba ami nia administrasaun modernizadu ba tinan lima oin (2021-2025). Planu ida ne’e diriji husi husi ami nia valor prinsipal lima hanesan, Integridade, Profesionalismu, Transparente no Respeitu. Planu ida ne’e explika oinsa ami bele hadia ami nia performansia iha kada valor prinsipal sira ho esforsu atu hadia ami nia performansia no organizasaun ne’ebe produtivu liu tan. Iha adisional, planu refere tau organizasaun atu atinji ami nia obrigasaun legal sira tuir xavi lei no regulamentu sira . nn

Ami hetan matadalan husi valor prinsipal hat hanesan : Integridade, Profesionalismu, Transparente no Respeitu.nn

Ami governa husi prinsipiu lima sira hanesan: Legalidade; Redus birokrasia; desentralizasaun administrativu; Flexibilidade organizasional ; no valoriza rekursu humanus sira.nn

Komentariu
Fo hatene tan mai ami
Oinsá mak ita bele klasifika ita-nia esperiénsia?
Karik ita iha komentariu adisional ruma?
Tuir mai
Submete ita nia email karik ita hakarak atu ami bele kontaktu ita relasiona ho ita nia komentariu
Fila fali
Submete
Obrigadu bele submete ona ita nia komentariu